1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LteratureImmigrationGreetingsCookeryClassifieds
Posted By: Nri Malayalee July 7, 2019

സ്വന്തം ലേഖകന്‍: അമല പോള്‍ പ്രധാനവേഷത്തില്‍ എത്തുന്ന ആടൈ എന്ന ചിത്രം തിയേറ്ററുകളില്‍ പ്രദര്‍ശനത്തിന് ഒരുങ്ങുകയാണ്. രത്‌നകുമാര്‍ ഒരുക്കുന്ന ഈ ചിത്രത്തിന്റെ ട്രെയ്‌ലറിനും ടീസറിനുമെല്ലാം മികച്ച പ്രതികരണമാണ് ലഭിച്ചത്. അമല ഇതുവരെ അവതരിപ്പിച്ച കഥാപാത്രങ്ങളില്‍ ഏറ്റവും ശക്തമായ വേഷമാണ് ആടൈയിലേത്.

ട്രെയ്‌ലര്‍ പുറത്ത് വന്നതിന് തൊട്ടുപിന്നാലെ അതില്‍ നിന്നുള്ള ഒരു രംഗം ഏറ്റെടുത്ത് ആഘോഷിക്കുകയാണ് സോഷ്യല്‍ മീഡിയ. അമലയ്ക്ക് പുറമേ ആര്‍.ജെ രമ്യയും ചിത്രത്തില്‍ അഭിനയിക്കുന്നുണ്ട്. രമ്യയുടെ കഥാപാത്രത്തെ അമല ലിപ് ലോക്ക് ചെയ്യുന്ന ഒരു രംഗമാണിത്. സ്വവര്‍ഗ പ്രണയത്തെക്കുറിച്ചും ചിത്രം സംസാരിക്കുന്നുണ്ടെന്നാണ് ഇപ്പോള്‍ ലഭിക്കുന്ന സൂചനകള്‍.

ബോളിവുഡ് സംവിധായകന്‍ അനുരാഗ് കശ്യപ് ആണ് ചിത്രത്തിന്റെ ട്രെയ്‌ലര്‍ പുറത്ത് വിട്ടത്. കാമിനി എന്ന കഥാപാത്രത്തെയാണ് അമല അവതരിപ്പിക്കുന്നത്. ധിക്കാരി, അധിക പ്രസംഗി, കലാകാരി എന്നിങ്ങനെയാണ് ട്രെയ്‌ലറില്‍ കാമിനിയെ വിശേഷിപ്പിക്കുന്നത്. തെലുങ്ക്, തമിഴ് ഭാഷകളിലായി ചിത്രം ജൂലൈ 19 ന് റിലീസ് ചെയ്യും.

 

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

Comments are Closed.