സ്വന്തം ലേഖകന്: കിലോഗ്രാമിന് പുതിയ നിര്വചനം; അളവിലും തൂക്കത്തിലും മാറ്റമില്ല. പാരീസില് ഇന്റര്നാഷണല് ബ്യൂറോ ഓഫ് വെയ്റ്റ്സ് ആന്ഡ് മെഷേഴ്സിന്റെ പക്കല് വായുകടക്കാത്ത ചില്ലുകൂട്ടില്വെച്ചിരിക്കുന്ന പ്ലാറ്റിനംഇറിഡിയം ദണ്ഡിന്റെ തൂക്കം അടിസ്ഥാനമാക്കിയാണ് നിലവില് കിലോഗ്രാം എന്ന അളവ് നിശ്ചിക്കുന്നത്.
കിലോഗ്രാമിന്റെ അന്താരാഷ്ട്ര മൂലരൂപം അഥവാ ലെ ഗ്രാന്ഡ് കെ എന്നാണ് ഈ ദണ്ഡ് അറിയപ്പെടുന്നത്. അടുത്തവര്ഷം മേയ് 20 മുതല് ഇപ്പോഴത്തെ നിര്വചനമാവില്ല കിലോഗ്രാമിന്. വെള്ളിയാഴ്ച ഫ്രാന്സില് ചേര്ന്ന അളവുതൂക്ക പൊതുയോഗമാണ് പുതിയ നിര്വചനത്തിന് അംഗീകാരം നല്കിയത്. വൈദ്യുതകാന്തിക ബലം അടിസ്ഥാനമാക്കിയാവും കിലോഗ്രാമിന്റെ പുതിയ നിര്വചനം.
പാരീസില് ഇന്റര്നാഷണല് ബ്യൂറോ ഓഫ് വെയ്റ്റ്സ് ആന്ഡ് മെഷേഴ്സിന്റെ പക്കല് വായുകടക്കാത്ത ചില്ലുകൂട്ടില്വെച്ചിരിക്കുന്ന പ്ലാറ്റിനംഇറിഡിയം ദണ്ഡിന്റെ തൂക്കം അടിസ്ഥാനമാക്കിയാണ് നിലവില് കിലോഗ്രാം എന്ന അളവ് നിശ്ചിക്കുന്നത്. കിലോഗ്രാമിന്റെ അന്താരാഷ്ട്ര മൂലരൂപം അഥവാ ലെ ഗ്രാന്ഡ് കെ എന്നാണ് ഈ ദണ്ഡ് അറിയപ്പെടുന്നത്.
1889 മുതലാണ് ഈ രീതി അവലംബിച്ചത്. അന്നു രൂപംകൊടുത്ത ലെ ഗ്രാന്ഡ് കെയ്ക്ക് കാലത്തിന്റെ പോക്കില് തേയ്മാനമുണ്ടാകാമെന്നും അതിനാല് ഇതിനെ കിലോഗ്രാമിന്റെ സ്ഥിരമാതൃകയാക്കുന്നതിന് പരിമിതിയുണ്ടെന്നും വാദമുയര്ന്നു. ഇതു കണക്കിലെടുത്താണ് പുതിയരീതി അവലംബിക്കാന് നിശ്ചയിച്ചത്. കിബിള് ബാലന്സ് അഥവാ വാട്ട് ബാലന്സാവും ഇനി കിലോഗ്രാമിന്റെ അടിസ്ഥാനമാതൃക.
2012ലാണ് അളവുകളെല്ലാം പുനഃക്രമീകരിക്കണമെന്ന് ശാസ്ത്രലോകത്തുനിന്ന് ആവശ്യമുയര്ന്നത്. പല ചര്ച്ചകളുടെയും അടിസ്ഥാനത്തില് 2016ല് ഇക്കാര്യത്തില് ഏകദേശധാരണയിലെത്തി. നിത്യജീവിതത്തില് സാധാരണക്കാരെ സംബന്ധിച്ച് പുതിയ നിര്വചനംകൊണ്ട് മാറ്റങ്ങളൊന്നും വരില്ലെന്നാണ് വിദഗ്ധര് പറയുന്നത്. ഭാരം അളക്കാന് ഇന്നുപയോഗിക്കുന്ന ഇരുമ്പിന്റെയും മറ്റും കട്ടികള് തന്നെയാവും ഭാവിയിലും ഉപയോഗിക്കുക.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല