Posted By: Nri Malayalee August 14, 2011

സാധാരണ അമേരിക്കക്കാരെ അടുത്തറിയാന്‍ പ്രസിഡന്റ് ബറാക് ഒബാമ ബസ്‌യാത്ര നടത്തുന്നു

പ്രസിഡന്റുതെരഞ്ഞെടുപ്പിന്റെ പ്രചാരണമെന്നോണം സാധാരണ അമേരിക്കക്കാരെ അടുത്തറിയാന്‍ പ്രസിഡന്റ് ബറാക് ഒബാമ ബസ്‌യാത്ര നടത്തുന്നു. തിങ്കളാഴ്ച മുതല്‍ മൂന്നു ദിവസ മാണു മിന്നസോട്ട, ലോവ, ഇല്ലിനോയി എന്നീ സംസ്ഥാനങ്ങളില്‍ ഒബാമ ബസ് യാത്രയെന്ന സാഹസത്തിന് ഇറങ്ങുന്നത്.

2008-ല്‍ നടന്ന തെരഞ്ഞെടുപ്പില്‍ ഈ മൂന്നു സംസ്ഥാനങ്ങളിലും ഒബാമയുടെ ഡെമോക്രാറ്റിക് പാര്‍ട്ടിക്കായിരുന്നു വിജയം. എന്നാല്‍, കഴിഞ്ഞവര്‍ഷം നടന്ന ഉപതിരഞ്ഞെടുപ്പില്‍ വിജയം റിപ്പബ്ലിക്കന്‍മാര്‍ക്കൊപ്പമായിരുന്നു.

രണ്ടാം സാമ്പത്തികമാന്ദ്യത്തിന്റെ ലക്ഷണങ്ങളും തൊഴിലില്ലായ്മ ഏറിവരികയും ചെയ്യുന്ന സാഹചര്യത്തി ല്‍ ജനപിന്തുണ വീണ്ടെടുക്കാനുള്ള ശ്രമമെന്നോണമാണ് ഒബാമയുടെ യാത്ര. വീണ്ടും പ്രസിഡന്റാകണമെങ്കില്‍ ഈ മൂന്നു സംസ്ഥാനങ്ങളിലെ വിജയം ഒബാമയ്ക്ക് അനിവാര്യമാണ്. അമേരിക്ക നേരിട്ട കടപ്രതിസന്ധിയ്ക്ക് ശേഷം ഒബാമയുടെ ജനപ്രീതിയില്‍ ഇടിവ് നേരിട്ടുവെന്നാണ് രാഷ്ട്രീയവിദഗ്ധര്‍ കരുതുന്നത്.