സൊമാലിയയില്‍ മാധ്യമപ്രവര്‍ത്തകന്‍ അജ്ഞാതരുടെ വെടിയേറ്റ് മരിച്ചു

സൊമാലിയയില്‍ അജ്ഞാത തോക്കുധാരികള്‍ പത്രപ്രവര്‍ത്തകനെ വധിച്ചു. ഖല്‍ക്കായൊ നഗരത്തില്‍ അലി അഹമ്മദ് അബ്ദി എന്ന റേഡിയൊ പത്രപ്രവര്‍ത്തകനെ മുഖംമൂടി ധരിച്ചെത്തിയവര്‍ വെടിവച്ചു കൊല്ലുകയായിരുന്നു.

രാജ്യത്ത് ഈ വര്‍ഷം കൊല്ലപ്പെടുന്ന മൂന്നാമത്തെ പത്രപ്രവര്‍ത്തകനാണ് ഇദ്ദേഹം. 2007നു ശേഷം 30 പത്രപ്രവര്‍ത്തകരാണ് ഇവിടെ കൊല്ലപ്പെട്ടത്. ലോകത്തിലെ ഏറ്റവും അപകടകരമായ പത്രപ്രവര്‍ത്തന മേഖലയാണ് സൊമാലിയ.

വംശീയ ഏറ്റുമുട്ടലുകള്‍ ശക്തമായ ഇവിടെ ശക്തമായ ഭരണസംവിധാനം ഇല്ലാത്തതാണ് ആക്രമണങ്ങള്‍ക്കു പ്രധാന കാരണം.