സ്വന്തം ലേഖകൻ: ബഹ്റൈനിലെ പ്രവാസി സമൂഹത്തിനായി ആരോഗ്യ ഇൻഷുറൻസ് പദ്ധതി നടപ്പാക്കുന്നതിെൻറ മുന്നോടിയായി എയോൻ കമ്പനി പ്രതിനിധികളുമായി ആരോഗ്യ കാര്യ സുപ്രീം കൗൺസിൽ ചെയർമാൻ ലഫ്. ജനറൽ ശൈഖ് മുഹമ്മദ് ബിൻ അബ്ദുല്ല ആൽ ഖലീഫ ചർച്ച നടത്തുകയും സഹകരണക്കരാറിൽ ഒപ്പുവെക്കുകയും ചെയ്തു.
എല്ലാവരുടെയും ആരോഗ്യ പരിരക്ഷ ഒരു പോലെ ഉറപ്പാക്കുന്നതിനാണ് ദേശീയ മെഡിക്കൽ ഇൻഷുറൻസ് പദ്ധതി നടപ്പാക്കുന്നതെന്ന് അദ്ദേഹം വ്യക്തമാക്കി. അന്താരാഷ്ട്ര നിലവാരത്തിൽ ഏറ്റവും മെച്ചപ്പെട്ട ചികിത്സ ലഭ്യമാക്കുന്നതിനും ആരോഗ്യ രംഗം കൂടുതൽ വളർച്ച കൈവരിക്കുന്നതിനും പദ്ധതി കാരണമാകുമെന്ന് അദ്ദേഹം പറഞ്ഞു.
വിവിധ ഘട്ടങ്ങളിലൂടെയാണ് ആരോഗ്യ ഇൻഷുറൻസ് പദ്ധതി നടപ്പാക്കുന്നത്. സ്വദേശികൾക്കുള്ള ആരോഗ്യ ഇന്ഷുറൻസ് പദ്ധതി ഘട്ടം ഘട്ടമായി നടപ്പാക്കുന്നത് വിജയത്തിെൻറ പാതയിലാണെന്നും അദ്ദേഹം കൂട്ടിച്ചേർത്തു.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല