സ്വന്തം ലേഖകൻ: 19-കാരിയായ ഇന്ത്യന്-അമേരിക്കന് വിദ്യാര്ഥിനിയെ ഷിക്കാഗോയില് ലൈംഗികമായി അക്രമിച്ച ശേഷം കഴുത്ത് ഞെരിച്ചുകൊന്നു. ഹെദരാബാദ് സ്വദേശിനിയായ യൂണിവേഴ്സിറ്റി ഓഫ് ഇല്ലിനോയ്സ് വിദ്യാര്ഥിയാണ് ക്രൂരമായി കൊലചെയ്യപ്പെട്ടത്. ശനിയാഴ്ച ക്യാമ്പസിനോട് ചേര്ന്ന് നിര്ത്തിയിട്ട കാറിന്റെ പിന്സീറ്റിലാണ് മൃതദേഹം കണ്ടെത്തിയത്.
സംഭവത്തില് ഡൊണാള്ഡ് തര്മന് എന്ന 26-കാരനെ ഷിക്കാഗോ മെട്രോ സ്റ്റേഷനില് വെച്ച് പിടികൂടിയിട്ടുണ്ട്. ഇയാള്ക്ക് യൂണിവേഴ്സിറ്റിയുമായി ബന്ധമില്ലെന്ന് പോലീസ് അറിയിച്ചു. കഴുത്ത് ഞെരിച്ചാണ് കൊലപ്പെടുത്തിയതെന്ന് പോസ്റ്റുമോര്ട്ടം റിപ്പോര്ട്ടില് വ്യക്തമാക്കിയിട്ടുണ്ട്.
വെള്ളിയാഴ്ച വൈകീട്ട് മുതല് പെണ്കുട്ടിയെ കാണാനില്ലെന്ന് കുടുംബം പോലീസില് പരാതി നല്കിയിരുന്നതായി ഇല്ലിനോയ്സ് യൂണിവേഴ്സിറ്റി പ്രസ്താവനയിലൂടെ അറിയിച്ചു. കുടുംബത്തിന്റെ ഉടമസ്ഥതയിലുള്ള കാറില് നിന്നാണ് മൃതദേഹം കണ്ടെത്തിയത്. ക്യാമ്പസിലെ ക്യാമറകള് പരിശോധിച്ചതാണ് അക്രമിയുടെ അറസ്റ്റിലേക്ക് നയിച്ചതെന്നാണ് റിപ്പോർട്ട്.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല