സ്വന്തം ലേഖകന്: കശ്മീരിലെ യുവാക്കള്ക്കായി വലവിരിച്ച് ഭീകര സുന്ദരികള്; ഹണിട്രാപ്പിലൂടെ ആയുധക്കടത്തും. കശ്മീരിലേക്ക് ആയുധങ്ങള് കടത്താന് പ്രദേശവാസികളായ യുവാക്കളെ കണ്ടെത്താനാണ് പാക് ഭീകരര് പുതിയ വഴി തേടിയിരിക്കുന്നതെന്ന് അന്വേഷണ ഉദ്യോഗസ്ഥര് വ്യക്തമാക്കി. ആഴ്ചകള്ക്ക് മുന്പ് കശ്മീരില് പിടിയിലായ സെയ്ദ് ഷാസിയ എന്ന പാക് യുവതിയെ ചോദ്യംചെയ്തപ്പോഴാണ് ഞെട്ടിക്കുന്ന വിവരങ്ങള് ലഭിച്ചത്.
ബന്ദിപ്പോരയില് ആയുധങ്ങളുമായി പിടിയിലായ ഷാസിയക്ക് ഒട്ടേറെ ഫെയ്സ്ബുക്ക്, ഇന്സ്റ്റഗ്രാം അക്കൗണ്ടുകളുണ്ടെന്ന് അന്വേഷണത്തില് കണ്ടെത്തിയിരുന്നു. ഈ അക്കൗണ്ടുകളിലെല്ലാം സുഹൃത്തുക്കളായുണ്ടായിരുന്നത് കശ്മീരിലെ യുവാക്കളായിരുന്നു. സാമൂഹിക മാധ്യമങ്ങളിലൂടെ അടുപ്പംസ്ഥാപിക്കുന്ന യുവതി തനിക്കുവേണ്ടി ചില സാധനങ്ങള് എത്തിച്ചു നല്കിയാല് പരസ്പരം കാണാമെന്ന് വാഗ്ദാനം നല്കിയാണ് യുവാക്കളെ ആയുധക്കടത്തിന് ഉപയോഗിച്ചിരുന്നത്.
കഴിഞ്ഞ സെപ്റ്റംബറില് ലഷ്കര് ഇ തൊയ്ബ ഭീകരന് അബു ഇസ്മയിലിനെ കൊലപ്പെടുത്തിയതോടെയാണ് അജ്ഞാത യുവതിയെക്കുറിച്ച് പോലീസിന് സൂചന ലഭിച്ചത്. പിന്നീട് നടത്തിയ അന്വേഷണത്തില് ഈ യുവതി സെയ്ദ് ഷാസിയയാണെന്ന് തിരിച്ചറിയുകയും യുവതിയുടെ ഫോണും സാമൂഹിക മാധ്യമങ്ങളിലെ ഇടപെടലുകളും പോലീസ് നിരീക്ഷിക്കുകയും ചെയ്തു.
ഇതിനിടെ പോലീസില്നിന്നുതന്നെ ഇവര്ക്ക് വിവരങ്ങള് ചോര്ത്തിനല്കുന്നതായും അന്വേഷണഉദ്യോഗസ്ഥര് കണ്ടെത്തി. തുടര്ന്നാണ് ഇര്ഫാന് എന്ന പോലീസ് ഉദ്യോഗസ്ഥനെ അന്വേഷണസംഘം പിടികൂടിയത്. ഇതിനു പിന്നാലെ ഷാസിയയും പോലീസിന്റെ പിടിയിലായി. ഷാസിയയെ വിശദമായി ചോദ്യംചെയ്തതോടെ പാക്ക് ഭീകര സംഘടനകളുടെ നേതൃത്വത്തില് ഒട്ടേറെ യുവതികള് ഇത്തരത്തില് ഹണിട്രാപ്പ് കെണി ഒരുക്കിയതായി വിവരം ലഭിച്ചതായും റിപ്പോര്ട്ടുകള് പറയുന്നു.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല