1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LteratureImmigrationGreetingsCookeryClassifieds
Posted By: Nri Malayalee July 6, 2019

സ്വന്തം ലേഖകന്‍: ഈ വര്‍ഷത്തെ സ്വാശ്രയ മെഡിക്കല്‍ പ്രവേശനത്തിനുള്ള ഫീസ് നിശ്ചയിച്ചു. ജസ്റ്റിസ് രാജേന്ദ്രബാബു ചെയര്‍മാനായ സമിതിയാണ് 19 സ്വാശ്രയ മെഡിക്കല്‍ കോളേജുകളിലേക്കുള്ള ഫീസ് നിര്‍ണയിച്ചത്. 5.85 ലക്ഷം രൂപ മുതല്‍ 7.19 ലക്ഷം രൂപ വരെയാണ് ഫീസ്.

മാനേജ്‌മെന്റ് ആവശ്യപ്പെട്ട ഫീസ് നിര്‍ദേശം കമ്മീഷന്‍ തള്ളി. കഴിഞ്ഞ വര്‍ഷത്തെക്കാള്‍ അരലക്ഷം രൂപയുടെ വര്‍ധന വരുത്തി. അതേസമയം, പുതിയ ഫീസ് നിര്‍ണയത്തില്‍ നിരാശയുണ്ടെന്നാണ് മാനേജ്‌മെന്റുകളുടെ പ്രതികരണം. മെഡിക്കല്‍ ഫീസ് നിര്‍ണയം സംബന്ധിച്ചുള്ള കേസ് ചൊവ്വാഴ്ച സുപ്രീംകോടതി പരിഗണിക്കുന്നുണ്ട്. കോടതിയില്‍നിന്ന് അനുകൂലവിധി ലഭിക്കുമെന്നാണ് മാനേജ്‌മെന്റുകളുടെ പ്രതീക്ഷ.

എന്നാല്‍ ഈ ഫീസ് വര്‍ധന മതിയാകില്ലെന്നാണ് സ്വാശ്രയ മാനേജ്‌മെന്റുകളുടെ നിലപാട്. ഫീസ് നിരക്കിനെതിരെ ചൊവ്വാഴ്ച സുപ്രീംകോടതിയെ സമീപിക്കുമെന്നും മാനേജ്‌മെന്റ് അസോസിയേഷന്‍ വ്യക്തമാക്കി.

85 ശതമാനം സീറ്റുകളിലും 12 ലക്ഷം രൂപ ഫീസ് വേണമെന്നായിരുന്നു മാനേജ്‌മെന്റ് അസോസിയേഷനുകളുടെ ആവശ്യം. 15 ശതമാനം എന്‍.ആര്‍.ഐ സീറ്റില്‍ 30 ലക്ഷം രൂപ ഫീസായി വേണമെന്നും അസോസിയേഷന്‍ ആവശ്യപ്പെട്ടിരുന്നു. ഉയര്‍ന്ന ഫീസ് ഘടന സര്‍ക്കാര്‍ അംഗീകരിച്ചാല്‍ 10 ശതമാനം ബി.പി.എല്‍ വിദ്യാര്‍ഥികളെ സൗജന്യമായി പഠിപ്പിക്കാമെന്നാണ് മാനേജ്‌മെന്റുകളുടെ വാഗ്ദാനം.

 

 

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

Comments are Closed.